លោកឧត្តមសេនីយ៍ឯក ស៊ិន សូផាន្នី មេបញ្ជាការរងកងរាជអាវុធហត្ថលើផ្ទៃប្រទេស ទទួលជួប​សំណេះ​សំណាល​និងសួរសុខទុក្ខ ប្រតិភូយោធភូមិភាគ៩ នៃសាធារណរដ្ឋសង្គមនិយមវៀតណាម

ភ្នំពេញ៖ ព្រឹកថ្ងៃទី១៣ ខែសីហា ឆ្នាំ២០២២ នៅបញ្ជាការដ្ឋានកងរាជ​អាវុធហត្ថ​លើផ្ទៃប្រទេស លោកឧត្តមសេនីយ៍ឯក ស៊ិន សូផាន្នី មេបញ្ជាការរងកងរាជអាវុធហត្ថលើផ្ទៃប្រទេស តំណាងលោកនាយ​ឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរ​ភូមិន្ទ មេបញ្ជាការកងរាជអាវុធហត្ថលើផ្ទៃប្រទេស បានទទួលជួប​សំណេះ​សំណាល​និងសួរសុខទុក្ខ ប្រតិភូយោធភូមិភាគ៩ នៃសាធារណរដ្ឋសង្គមនិយមវៀតណាម ដឹកនាំដោយលោក​ឧត្តមសេនីយ៍ត្រី ង្វៀន វ៉ាន់ទៀង មេបញ្ជាការរង យោធភូមិភាគ៩។ ជំនួបពិភាក្សានេះ ដើម្បីពង្រឹងចំណងសាមគ្គីភាព មិត្តភាព កិច្ចសហប្រតិបត្តិការល្អ រវាងយោធភូមិភាគ៩ និងបញ្ជាការដ្ឋាន កងរាជអាវុធហត្ថលើផ្ទៃប្រទេស។